8e Fête du Pois Chiche  5/6/7 JUIN 2015 • MONTAREN(30)

TOTAL FESTUM

Les évènements Total Festum sont repérés avec ce logo sur le site

total-festum-2015

1389554636sdu-5884.

 

FÈSTA DEL CESE A MONTAREN E A SANT MEDIÈRS (30)

Los 5, 6 e 7 de junh

Montaren e Sant Medièrs (a dos passes d’Usès) son lo teatre cada annada a la prima, d’una manifestacion particulara: la Fèsta del Cese.

Dempuèi l’Antiquitat, lo legum preciós illumina e reviscòla los esperits mai morruts que profechan de sas vertuts azotadas e noirissentas.

Es aital que lo vilatge, enartat en capitala del Cese, clantís pendent tres jorns de totas las musicas del mond, tot en daissar una part bèla als grops regionals.

Aquesta anada podretz bolegar a l’escota de : Cabr’e Can per lei pitchons, Grail’oli, La horde dels autbois dau Lengadoc amb Lo Chivalet de Cournonterral, Les petits frères péteurs impénitents, Als pels, la Banda Bruti, Los Fraires Jacquard, Fai Dèli, Lo Bal Pop Tronic… e descubrir companias, autors e editors de libre per jovent, dessenhadors e penhedors… lo tot sota l’aparament de la Polícha.

Cada annada un public variat, curiós s’i recampan per assistir en grand nombre als concèrts, espectacles de carrièra, obradors, mòstras e autras festivitats a l’entorn del Cese organizadas per lo Kollectiu del Cese Mascat.

Conselhs del Cese Mascat :

Manquetz pas de visitar lo sol musèu internacional del Cese, de participar a la « cesada » lo dissabte 6 de junh de matin, au concors de recèptas Mirelha Dumas, au balèti grand e a l’embrasament fantastic del cese lo dimenge 7 de junh !